तिते करेला खानुको फाइदा

तिते करेला खानुको फाइदा

  • 1.8K
    SHARES

  • तिते करेला खानुको फाइदा

    तपाई हामी सबैले तिते करेलालाई तरकारीको रुपमा सेवन गर्दै आएका छौ । तिते करेला मौसमी वेमौसमी दुवै खालको हुन्छ । हामीले दिनहुँ तरकारीको सेवन गर्दा करेला मात्रै नभएर अन्य विभिन्न तरकारीहरु प्रयोग गर्दै आएका हुन्छौ । तर तपाई हामी सबैलाई थाहा नहुन सक्छ की हामीले सेवन गर्दै आएका तरकारीले हाम्रो स्वास्थ्यलाई कत्तिको फाइदा गर्छ या वेफाइदा भन्ने कुरा । करेला न्यानो हावापानीमा फस्टाउने एक लहरे तरकारी बाली हो । करेला खेतीका लागि पानी नजम्ने र मलिलो बलौटे दोमट माटो भएको ठाउँ उपयुक्त मानिन्छ ।

    स्वास्थ्यका लागि करेला कति फाइदाजनक छ, यसबारे धेरैलाई थाहा छ । करेलामा भिटामिन ए, भिटामिन सी, जिंक र फोलेटको मात्रा भरपुर हुन्छ जुन मधुमेहका बिरामीहरूका लागि फाइदाजनक छ । यसले चिनीको मात्रालाई सजिलै नियन्त्रणमा लिन मद्दत गर्छ ।

    images

    करेलाको फाइदाबारे जानकार रहेका हामी करेलाको बियाँको फाइदाबारे भने त्यति जानकार छैनौँ । त्यसैले पकाउने समय करेलाको बियाँ फाल्ने गर्छौँ । करेलाको दाना पनि स्वास्थ्यका लागि हितकर हुने विज्ञहरु बताउँछन् ।

    केही जटिल स्वास्थ्य समस्या कम गर्नेदेखि शरीरलाई तन्दुरुस्त राख्नसमेत करेला उपयोगी देखिन्छ । करेला तरकारी तथा जुस बनाएर खान सकिन्छ ।

    करेलामा विभिन्न खालका पौष्टिक तत्वहरू पाइन्छ । यसको नियमित प्रयोगले चिनीजन्य अर्थात् मधुमेह तथा अन्य रोगीलाई फाइदा पुर्याउने गर्दछ । यस्ता स्वास्थ्य समस्या भएकाहरूले करेला खानु बढी लाभदायी हुन्छ,

    मधुमेहमा हुने कब्जियतको समस्याबाट छुट्कारा

    करेलासँगै त्यसको बियाँ पनि प्रयोगमा ल्याउँदा यसले मधुमेहमा हुने कब्जियतको समस्याबाट छुट्कारा दिने स्वास्थ्य विज्ञहरु बताउँछन् । करेलालाई अचार, तरकारी जुनसुकै परिकारमा सेवन गर्न सकिन्छ ।

    मधुमेह

    मधुमेहका रोगीहरूलाई करेला उपयोगी हुन्छ । करेलाले रगतमा चिनीको मात्रा सन्तुलन राख्न मद्दत गर्छ । विशेषगरी टाइप–२ मधुमेहका रोगीहरूलाई करेला निकै फाइदाजनक हुन्छ ।

    कलेजोको समस्या

    कलेजो स्वस्थ राख्न करेला निकै उपयोगी हुन्छ । कलेजो सफा र स्वस्थ राख्न करेला खानु पनि आवश्यक छ । करेलामा पाइने तत्वले कोशिकाहरूको निर्माण पनि गर्छ । करेला नियमित खानाले कलेजो सम्बन्धी समस्या हुन दिँदैन ।

    पेटको दुखाइ

    ठूलो चम्चाको एक चम्चा करेलाको रस मख्खनमा मिलाएर खाएमा पेटको दुखाइ कम हुन्छ । करेलाको रस पेट दुखाइ कम गर्न अचुक औषधि मानिएको छ ।

    हैजा

    हैजा लागेमा करेला खानु लाभदायी हुन्छ । करेलाको रसमा अलिकति प्याज र कागतीको रस मिसाएर खाएमा फाइदा पुग्छ । साथै, ताजा करेला पिँधेर यसमा अलिकति नून मिलाएर हैजाका रोगीलाई दुई–तीनपटक खान दिनु राम्रो हुन्छ ।

    मिर्गौलाको पत्थरी

    करेला पत्थरी भएकाहरूका लागि पनि फाइदा जनक हुन्छ । साथै, मिर्गौलामा पत्थरी भए करेला खाने गरेमा सो समस्याबाट छूटकारा पाउन सकिन्छ । करेलामा पाइने तत्वले पत्थर टुक्रा–टुक्रा पार्ने काम गर्छ, जसले गर्दा टुक्रिएका पत्थर पिसाब मार्फत शरीर बाहिर निस्कन्छ ।

    क्यान्सर

    करेलाले क्यान्सर हुनबाट बचाउँछ । यो पूर्णरूपमा प्रमाणित नभए पनि धेरै अध्ययन–अनुसन्धानले करेला खानाले क्यान्सर प्रतिरोधी क्षमता बढेको देखाएका छन् । करेला खाँदा अन्य रोग प्रतिरोधक क्षमता समेत बढ्छ ।

    आँखाको समस्या

    बच्चादेखि नै कतिपयलाई आँखासम्बन्धी विभिन्न रोगले सताउने गर्छ । हुर्कने क्रमसँगै बालबालिकालाई आँखासम्बन्धी विभिन्न समस्या देखा पर्छ । यस्ता समस्या कम गर्न करेला खानु दाभदायक हुन्छ ।

    छाला सम्बन्धी रोग

    करेलाले छालाजन्य रोगीलाई समेत फाइदा गर्छ । करेला नियमित खाएमा वा यसलाई मिस्रीमा पिसेर रातको समयमा लेप लगाउँदा पनि छालाजन्य समस्या कम हुन्छ । करेलाको रसमा कागतीको रस मिलाएर लाउँदा पनि मुसा, दादलगायत छालासम्बन्धी समस्याबाट छुटकारा पाउन सकिन्छ ।

    कब्जियत

    करेला खाएमा कब्जियत हुनबाट मानिसलाई जोगाउँछ । करेलामा फाइबर हुने भएकाले पाचन प्रक्रिया मजबूत बनाउन करेला सहयोगी हुन्छ । साथै, नियमित करेला खाएमा कब्जियतका रोगी लाभान्वित हुन सक्छन् ।

    तौलमा सन्तुलन

    करेलाले मानिसको तौल नियन्त्रण राख्ने काम पनि गर्छ । पाचनक्रिया स्वस्थ राख्न करेला सहयोगी मात्रै हुँदैन, यसमा हुने कम मात्राको क्यालोरीले मोटोपन रोक्न सघाउँछ ।

    इन्सिुलिनको मात्रा बढाउँछ

    इन्सुलिनको कमिका कारण शरीरले चिनी पचाउन सकिरहेको हुँदैन । जसले गर्दा चिनीको मात्रा बढेर रगतमा मिसिन्छ र शरीरभरि सर्कुलेट हुन्छ । करेलाले यसै प्रक्रियालाई सन्तुलित बनाउँछ । करेलाको बियाँले शरीरमा चीनी कम गर्न मद्दत गर्छ । करेलामा इन्सुलिनको जस्तै काम गर्ने गुण हुन्छ, जसले ऊर्जाको लागि कोषहरूमा ग्लूकोज पुर्याउन मद्दत गर्दछ ।

    करेलाका बियाँले पाचन प्रणालीलाई सन्तुलित बनाउँदै इन्सुलिनको मात्रा बढाउँछ, जसले शरीरका कोषहरुमा ग्लुकोज उपयोग गर्न कलेजो, मांसपेशीहरूमा स्थानान्तरित गर्न सहयोग गर्छ ।

    कोलेस्ट्रोलको मात्रा कम गर्छ

    मधुमेहका बिरामीमा कोलेस्ट्रोलको मात्रा बढी हुने हुँदा मुटुसम्बन्धी रोगको जोखिम बढ्छ । करेलाको बियाँले एलडीएलको स्तर कम गर्छ र गुण कोलेस्ट्रोलको स्तर बढाउँछ । यसबाहेक करेलामा आइरन, म्याग्नेसियम, पोटासियम, भिटामिन र फाइबरको राम्रो मात्रा हुन्छ जुन इम्युनिटी बढाउनका लागि आवश्यक छ । 

    बिहिवार, फाल्गुण १३ २०७७०२:१८:२३

    अनलाइनपाना

    सम्बन्धित समाचार
    विशेष सबै
    विचार सबै