होटलबाट परस्त्रीसँग भेटिएका वडाध्यक्ष फेरी भेटिए उनै महिलाको घरमा

होटलबाट परस्त्रीसँग भेटिएका वडाध्यक्ष फेरी भेटिए उनै महिलाको घरमा

  • 4.2K
    SHARES

  • होटलबाट परस्त्रीसँग भेटिएका वडाध्यक्ष फेरी  भेटिए उनै महिलाको घरमा
    बैतडीको दोगडाकेदार गाउँपालिका वडा नम्बर ७ का वडा अध्यक्ष भरत महरा फेरि उनै महिलासँग शंकास्पद रूपमा भेटिएका छन्।
     
    बिहीबार राति दोगडाकेदार ६ की एक महिलाको घरमा वडाध्यक्ष महरा रहेको गाउँलेले थाहा पाएपछि प्रहरीलाई खबर गरेका थिए। महरालाई गाउँलेले राति नै नियन्त्रणमा लिएको वडा नम्बर ६ का वडा अध्यक्ष लक्ष्मी जोशीले पुष्टि गरेका छन् ।
     
    उनले भने, ‘अध्यक्षजी राति यता गाउँमा आएका रहेछन्, गाउँलेले उहाँलाई समात्ने बेला हातपात पनि भएको छ।’ महिलाको घरमा रहेको भन्ने थाहा पाएका गाउँलेले वडा अध्यक्ष र ती महिलालाई कुटपिट पनि गरेका प्रहरीले जनाएको छ।
     
    कुटपिटबाट दुवै जना घाइते भएको जिल्ला प्रहरी कार्यालय बैतडीका प्रमुख प्रहरी नायब उपरीक्षक नारायणप्रसाद अधिकारीले जानकारी दिए।
     
    ‘दुवै जना हाम्रो नियन्त्रणमा रहेका छन्,’ अधिकारीले भने‚ ‘नेटवर्कको समस्याले फोनमा धेरै कुरा बुझ्न पाइएको छैन, अहिले जिल्ला ल्याउँदैछौं, थप कुरा पछि थाहा हुन्छ।’
     
    वडाध्यक्ष महरा यसअघि शंकास्पद रूपमा फेला परेकी महिलासँग नै यस पटक पनि भेट्टिएका हुन्। ती महिला एकल रहेकी बताइएको छ।
     
    वडाध्यक्ष महरा यसअघि चैत ५ गते राति पनि स्थानीय खोचलेक बजारको एक होटेलमा महिलासँग शंकास्पद रूपमा भेट्टिएका थिए। त्यस बेला उनकी श्रीमतीले प्रहरीलाई सूचना दिएको थिइन्।
     
    प्रहरीले नियन्त्रण लिएपछि वडाध्यक्ष महरा र महिला घरपरिवारको आपसी समझदारी गरेपछि प्रहरीले चैत ६ गते छोडेको थियो। वडाध्यक्ष महरा नेकपा एमालेबाट स्थानीय तहको निर्वाचनबाट वडाध्यक्ष भएका थिए।

    शुक्रवार, चैत्र १३ २०७७०२:३०:३५

    अनलाइनपाना

    सम्बन्धित समाचार
    विशेष सबै
    विचार सबै