सामाजिक सञ्जालमा लेख्नेलाई ५ वर्ष जेल र १५ लाख रुपैयाँ जरिवाना तिराउने विधेयक पेस हुँदै

सामाजिक सञ्जालमा लेख्नेलाई ५ वर्ष जेल र १५ लाख रुपैयाँ जरिवाना तिराउने विधेयक पेस हुँदै

  • 445
    SHARES

  • सामाजिक सञ्जालमा लेख्नेलाई ५ वर्ष जेल र १५ लाख रुपैयाँ जरिवाना तिराउने विधेयक पेस हुँदै

     सामाजिक सञ्जालमा लेखेबापत प्रयोगकर्तालाई ५ वर्ष जेल र १५ लाख रुपैयाँ जरिवाना गर्ने प्रावधान रहेको सूचना प्रविधिसम्बन्धी विधेयक बिहीबार प्रतिनिधिसभामा पेस हुने भएको छ । विकास तथा प्रविधि समितिले कांग्रेसबाहेकका सांसदको बहुमतबाट पारित गरेको विधेयकको प्रतिवेदन प्रतिनिधिसभामा पेस गर्न लागिएको हो ।

    सरकारकै चाहनाअनुसार समितिले विधेयक अघि बढाएको कांग्रेस सांसदहरू बताउँछन् । समितिले पारित गरेको प्रतिवेदनअनुसार कानुन बनेमा अनलाइनमा समाचार लेखेकै आधारमा त्यसका सञ्चालक र पत्रकार, त्यही समाचार सामाजिक सञ्जालमा सेयर गरेको र आफ्नो विचार लेखेकै आधारमा सर्वसाधारण जेल जानुपर्ने हुन सक्छ ।

    images

    सरकारले ल्याएको विधेयकलाई कांग्रेस सांसदको विरोध हुँदाहुँदै समितिबाट माओवादी र एमाले सांसदले बहुमतका आधारमा २०७६ पुस दोस्रो साता पारित गरेका थिए ।

    विधेयकका प्रावधान संविधानको मर्म र भावनाविपरीत हुनुका साथै यसले नागरिकको स्वतन्त्रता र मौलिक हक हनन गर्ने भएकाले कांग्रेस विधेयकको विपक्षमा रहेको सांसद सञ्जय गौतमले बताए । कान्तिपुर दैनिकबाट

    बिहिवार, चैत्र २६ २०७७०९:२८:४२

    अनलाइनपाना

    सम्बन्धित समाचार
    विशेष सबै
    विचार सबै