images

बेसारको प्रयोग गरी सजिलै हटाउनुहोस् अनुहारको दाग

बेसारको प्रयोग गरी सजिलै हटाउनुहोस् अनुहारको दाग

  • 622
    SHARES

  • बेसारको प्रयोग गरी सजिलै हटाउनुहोस्  अनुहारको दाग

    बेसारमा छालाको रोगबाट लड्ने गुण हुने भएकोले छालामा देखिने विभिन्न समस्या बेसारको प्रयोगद्वारा हटाउन सकिन्छ । यही बेसारले नै अनुहार र छालामा देखिने विभिन्न समस्याहरूको समाधान गर्न सक्छ । त्यसमध्ये केही समस्याको बारेमा तल उल्लेख गरिएको छ ।

    अनुहारमा चमक ल्याउनको लागि मद्दत गर्छ बेसारले

    images images

    बेसारमा एन्टिअक्सिडेन्ट र एन्टीइन्फ्लेमेटरी तत्व पाउने गरिन्छ । जसले हाम्रो छालालाई प्राकृतिक रुपले चमकदार बनाउँछ । औषधीय गुणले भरिपूर्ण बेसारबाट एउटा विशेष फेस मास्क घरमा बनाउन सकिन्छ । यसरी बनाऔं फेस मास्क ।

    सामग्री

    बेसार, दही, मह

    बनाउने विधि

    दही र महको मिश्रणलाई राम्रोसँग मिसाएर अनुहारमा लगाउनु छालाको लागि राम्रो मानिन्छ । यो फेस मास्कलाई करिब १५ मिनेटसम्म अनुहारमा लगाउनुहोस् र फेरि चिसो पानीले धुनुहोस् । यसले छालाको चमक बढाउँछ ।

    अनुहारमा निस्कने दागको समाधानका लागि बेसार

    यदि छालामा बारम्बार दागको समस्या आउँछ भने यसको समाधानको लागि कैयौं प्रकारका क्रिमहरू बजारमा पाउन सकिन्छ । यसरी उपचार गराउँदा पनि कुनै फाइदा भइरहेको छैन भने यसको लागि प्राकृतिक उपचार खोज्न सकिन्छ । बेसारले छालालाई चिल्लो बनाउन मद्धत गर्छ । अनुहारको दाग हटाउको लागि प्रयोग गरिने प्राकृतिक उपचारको लागि निम्न तयारी गर्न सकिन्छ ।

    आवश्यक सामग्री

    दही, गुलाब राखिएको पानी, बेसारको धुलो, स्नान गर्नको लागि प्रयोग गर्ने माटो

    बनाउने वा लगाउने विधि

    स्नान गर्नको लागि प्रयोग गर्ने शुद्ध माटोमा दही, गुलाबको पानी र बेसारको धुलो राख्नुहोस् । यसबाट एउटा पेस्ट तयार हुन्छ । त्यसपछि यसलाई अनुहारमा लगाउनुहोस् र करिब १५ मिनेटको लागि लगाएर त्यसै बस्नुहोस् । जतिबेलासम्म अनुहारमा त्यो सुक्दैन, त्यतिबेलासम्म यसलाई सुक्न दिनुहोस् । त्यसपछि चिसो पानीले अनुहार धुनुहोस् । बेसारसहितको यो फेस मास्क हप्तामा एक पटक प्रयोग गर्न सकिन्छ ।

    संवेदनशील छालामा उत्तेजना कम गर्नका लागि बेसार

    कतिपय छाला संवेदनशील खालको हुने गर्छ । यसकारण कैयौं पटक छाला चिलाउने, जलन र उत्तेजना हुने गर्छ । यदि तपाईंको छालामा पनि त्यस्ता समस्या आएको छ भने बेसारबाट बनेको प्राकृतिक उपचार गरिहाल्न सक्नुहुन्छ । जसमा बेसारसँगै एलोबेरा जेल पनि मिसाउने गरिन्छ ।

    आवश्यक सामग्री

    बेसार र एलोबेरा तेल

    कसरी बनाउने ?

    आधा चम्चा ताजा एलोवेरा जेलमा थोरै बेसारको धुलो मिसाएर त्यसको मिश्रणबाट एउटा पेस्ट बनाउन सकिन्छ । फेरि यसलाई अनुहारमा लगाएर करिब २० मिनेटसम्म सुक्न दिनुपर्छ । त्यसपछि यसलाई चिसो पानीले धुनुहोस् ।

    दाग धब्बा र घाउ ठीक गर्नको लागि

    जस्तो कि पहिले नै बताइसकेको कुरा बेसारमा एन्टी इन्फ्लेमेटरी तत्व पाउने गरिन्छ । जसले छालामा हुने रौंको छिद्रलाई सफा राख्न मद्धत गर्छ । यसका अलावा बेसारमा एन्टीसेफ्टिक गुण समेत हुन्छ । जुन कुनै पनि किसिमको दाग धब्बा घाउ या चोटको निशान समेत हटाउन प्रभावकारी मान्ने गरिन्छ ।

    सामग्री

    १ चम्चा बेसन, थोरै बेसार र अलिकति मलाई

    कसरी बनाउने ?

    माथि उल्लेखित तीन कुरालाई राम्रोसँग मिसाएर जहाँ दाग धब्बाको निशान छ, त्यसमा लगाउनु पर्छ र करिब २० मिनेटसम्म अनुहार सुक्न दिनुपर्छ । पछि मनतातो पानीले अनुहार धुनुपर्छ । यसले धेरै फाइदा गर्छ ।

    अनुहारमा बेसार लगाउनुका नोक्सानी

    हुन त बेसार पूरा प्राकृतिक सामग्री हो । तर पनि यसलाई अनुहारमा लगाउनुका केही नोक्सानी समेत छन् । अनुहारमा बेसार लगाउँदा अनुहार पहेँलो हुने गर्छ । यो त सामान्य कुुरा हो । तर यदि कसैलाई बेसारसँग एलर्जी छ भने अनुहारमा बेसार लगाउनुपूर्व चिकित्सकसँग कुराकानी गर्नु उपयुक्त हुन्छ । यसबाहेक बेसारको खासै नोक्सानी नरहेको चिकित्सकहरू बताउँछन् ।

     

    images
    images
    images
    images
    images
    images
    शुक्रवार, आश्विन १६ २०७७१२:०१:३६

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै