images

कसरी कुरुप बनाउँछ कमसल सौन्दर्य प्रशाधनले ?

कसरी कुरुप बनाउँछ कमसल सौन्दर्य प्रशाधनले ?

  • 523
    SHARES

  • कसरी कुरुप बनाउँछ कमसल सौन्दर्य प्रशाधनले ?

    आफ्नो छालाको सुन्दरताको लागि हामी फरकफरक तरिकाको सौन्दर्य सामग्री प्रयोग गर्ने गर्छौं । सुन्दर हुन होस् या त प्रकृतिको अनुकुल हुनको लागि नै किन नहोस् बजारमा आएका जस्ता सुकै सौन्दर्य सामग्री पनि हामी आँखा चिम्लिएर किन्ने गर्छौं । तर हामीले कहिलै सोच्ने गरेका छौं, के हामीले किनेको सौन्दर्य सामग्री नक्कली त छैन रु

    ग्राहकले कुनै पनि सोधपुछ नगर्दा बजारमा धेरै नक्कली सौन्दर्यका सामान समेत आउने गरेको छ । त्यसैले यस्ता सामान खरिद गर्नुपूर्व नक्कली हो या सक्कली भनेर पहिचान नगरी सामग्री खरिद गर्दा यसले गम्भीर समस्या निम्त्याउने सम्भावना पनि उत्तिकै हुने गर्छ ।

    images images

    धेरैलाई लाग्न सक्छ सामान सक्कली भए पनि नक्कली भए पनि के नै फरक पर्ने हो र रु तर छाला विशेषज्ञहरू नक्कली सौन्दर्य सामग्रीका कारण छालामा नै विभिन्न दीर्घकालीन समस्या निम्तिन सक्ने भएकोले त्यस्ता सामग्री खरिदमा हेलचेक्रयाइँ नगर्न सुझाव दिन्छन् ।

    संक्रमणको जोखिम

    सौन्दर्य विशेषज्ञहरूका अनुसार नक्कली सौन्दर्य प्रशाधन धेरै सस्तो हुन्छ । त्यसका कारण यसको नियमित प्रयोगले अनुहारमा भारी समस्या निम्तिन सक्छ । यसबाट त्वचाको संक्रमण र एलर्जी हुने खतरा समेत बढ्ने गर्छ । संक्रमण या एलर्जी हुने कारणले छालामा विभिन्न समस्याहरू निम्तिने गर्छ । विशेषज्ञका अनुसार यी सबै समस्या नक्कली कस्मेटिकबाट हुन सक्ने भएकोले त्यस्ता कस्मेटिक प्रयोग गर्नु हुन्न ।

    ओठमा नोक्सानी

    नक्कली सौन्दर्य सामग्री प्रयोग गर्नेहरूलाई केवल एलर्जीको समस्या मात्रै हुँदैन । त्यस्ता मान्छेको ओठमा समेत समस्या आउन सक्छ । अचम्मको कुरा त यो हो कि नक्कली उत्पादन ओठमा वा छालामा प¥यो भने त्यसले पनि समस्या निम्त्याउन सक्छ । यदि समयमा नै यसको समाधान खोजिएन या त्यस्ता उत्पादनलाई बहिस्कार गरिएन भने समस्या झनै बढ्दै जाने गर्छ ।

    आँखामा असर

    आँखा मान्छेको लागि एकदमै संवेदनशील अंग हो । आँखाको आसपास कुनै पनि नक्कली प्रशाधन लगाउनुले आँखामा संक्रमण हुन सक्छ । नक्कली गाजल जस्ता सौन्दर्य सामानले आइ इन्फेक्सनको खतरा समेत बढ्ने गर्छ । विशेषज्ञहरू आँखामा लगाउने सौन्दर्यका सामानहरू अरू कसैलाई पनि प्रयोग गर्न दिनु हुँदैन ।

    यसमा हुन सक्छ हानिकारक तत्व

    नक्कली कस्मेटिकका सामानमा यस्ता तत्वहरूको प्रयोग गरिएको हुन्छ, ती तत्वहरू या त बर्जित हुन्छ । या त अधिक प्रयोगका कारणले छालालाई हानि हुन सक्छ । मसलन मर्करी, सिसा, आर्सेनिक साइडनाड र यहाँसम्म कि केही देशमा मान्छेको पिसाव या मुसाको दिशालाई समेत प्रयोग गरेर सौन्दर्यको सामान बनाइन्छ भन्ने भनाइ छ ।

    यी सामानमा यतिसम्म विषालु पदार्थ हुन्छ कि छालामा राख्ने बित्तिकै यसले जलन, एलर्जी जस्ता समस्या निम्त्याउने गर्छ । यसका साथसाथी अन्य समस्याहरू उच्च रक्तचाप, बाँझोपन आदि हुने सम्भावना पनि बढी हुन्छ ।धेरैजसो नक्कली सामान चिन्न गाह्रो हुन्छ । समस्याको कुरा त यो हो कि यस्ता उत्पादन अनलाइनमा भने भटाभट बिक्री हुने गर्छ ।

    images
    images
    images
    images
    images
    images
    शनिवार, आश्विन १७ २०७७११:३७:४१

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै