नेपाली कांग्रेसका नेता डा.शेखर कोइरालाले मुलुकमा दण्डहीनताले सीमा नाघेको टिप्पणी गरेका छन् । पर्साका नेकपा नेता मुकुश चौरसियाको हत्यामा संलग्नलाई कारबाही गर्न जाहेरी दिँदा पनि प्रहरीले लिन नमानेको बताउँदै उनले यस्तो बताएका हुन् ।
सामाजिक सञ्जालमा ट्वीटरमा कोइरालाले भनेका छन्, ‘दण्डहीनताले सीमा नाघिसक्यो । व्यक्ति हत्याको आरोपमा मुद्दा दर्ता गर्न जाँदा प्रहरी मुद्दा दर्ता गर्न मान्दैन। तै पनि हामी कानुनी राज्यको कुरा गर्छौं। तर, कहाँ छ कानुनी राज्य ? जनता न्याय माग्न कहाँ जाने ?’
प्रतिक्रिया