images

प्रेम र यौनबारे सिग्मण्ड फ्रायड : समलिंगी हुनु कुनै समस्या होइन

प्रेम र यौनबारे सिग्मण्ड फ्रायड : समलिंगी हुनु कुनै समस्या होइन

  • 496
    SHARES

  • प्रेम र यौनबारे सिग्मण्ड फ्रायड : समलिंगी हुनु कुनै समस्या होइन

    सिग्मण्ड फ्रायड, यौन मनोविज्ञानका प्रमुख व्याख्याता एवं मनोविज्ञानका पिता हुन् । उनै फ्रायडको प्रेमको सम्बन्धमा अर्काे फरक परिभाषा छ । समाजको प्रतिस्पर्धामा दौडिएका मानिसहरु चाहेर या नचाहेरै पनि अन्धो दौड प्रतिस्पर्धामा सहभागी हुँदैछन् । जसले प्रेमको बारेमा जानकारी नै राखेका हुँदैनन् । उनीहरु केवल शारीरिक सम्बन्धलाई र त्यसमा पनि सीमित शारीरिक अंगहरुको मेललाई नै चरमानन्दको रुपमा व्याख्या गर्ने गर्छन् ।

    यही अन्धो दौडको परिणाम स्वरुप मानिसहरुको व्यक्तिगत जीवनमा रोग, शोक, चिन्ता, दुर्वासना, पारिवारिक जीवनमा क्रोध, असन्तोष र सन्ताप एवं सामाजिक जीवनमा शान्तिको वातावरण छाउने गरेको छ । मानिसहरुको मस्तिष्क तनाव र चिन्ताको बोझबाट दबिएर बसेको छ । यहाँसम्मकी मानिसहरुहरु प्रेम जस्तो मूलभूत आवश्यकताको विषयमा समेत दोधारमा पर्ने गरेका छन् । यही सन्दर्भमा प्रेमको विषयमा मनोवैज्ञानिक सिग्मन फ्रायडको निम्न विचारहरुलाई ध्यान दिनु आवश्यक देखिन्छ ।

    images images

    यौन सम्बन्ध कमजोरी पनि हो र तागत पनि

    फ्रायडको विचारमा शारीरिक सम्बन्ध हरेक मानिसहरुको मूलभूत आवश्यकता हो । कोही पनि मानिसहरु यसबाट अछुत रहन सक्दैन । हरेक मानिसहरु यस्तो सम्बन्ध बनाउनको लागि तीब्र चाहनामा हुने गर्छ । यदि यो चाहाना पूरा भएन भने मानिसको दिमागले आफ्नो गति भुल्न सक्छ र ऊ असामान्य व्यवहार गर्न सक्छ । यो केवल शारीरिक सम्बन्धको मात्रै कुरा नभएर यो मानिसले जोकोहीबाट पाउने प्रेमको हकमा समेत लागु हुन्छ ।

    शरीरको हरेक अंग इरोटिक हुन्छ

    फ्रायडका अनुसार मानिसहरु जन्मको समयबाट नै यौन भाव बोकेर आएका हुन्छन् । उनका अनुसार मनुष्यलाई शरीरको हरेक अंगले आनन्द दिने गर्छ । तर, मानिसहरु केवल प्रजनन् अंग र ओठ जस्तो केही अंगमा मात्रै सीमित भएर अरु अंगबाट प्राप्त हुने आनन्दलाई महसुस नै गर्न भुलिरहेका छन् । हालांकि उनको यस तर्कलाई कैयौं मानिसहरुले विरोध गरिरहेका छन् ।

    समलिंगी हुनु कुनैपनि समस्या होइन

    फ्रायडका अनुसार समलिंगीहरुसँगको शिष्टाचारलाई नै मानिसहरुले नराम्रो मान्ने गर्छन् । फ्रायड लगायतको मतमा यसको कुनै आधार पाईंदैन । उनीहरुले सन् १९३० मा समलिंगीहरु बिरुद्धको कानुनलाई हटाउने विषयमा समर्थन गरेका थिए ।

    हरेक जोडीको मनमा आउँछ नकारात्मक विचार

    भनिन्छ, जुन मानिसलाई तपाईंले अत्यधिक माया गर्नुहुन्छ । उसलाई छोड्ने विषयमा पनि पक्कै तपाईंको मनमा ध्यान आउनेगर्छ । यो के केटा के केटी दुबैमा आउने विचार हो । यो प्रेमको नकारात्मक पक्ष पनि होइन । बरु यो प्रेमको सहायक कुरा हो । यसलाई फ्रायडले सामान्य मानवीय व्यवहारको रुपमा व्याख्या गर्ने गरेका छन् ।

    आफ्नो आमाबाबुबाटै सिकिन्छ पहिलो प्रेम

    प्रेम गुरु अरु कोही नभएर हामीहरुकै आमाबाबु र समाज एवं परिवार हो । हामी जब कसैलाई प्रेम गर्छाैं भने आफनो परिवेश अनुसार त्यसको व्यवहार पनि गर्ने गर्छाैं । जस्तो माया हामीलाई माता, पिता र नजिकका छिमेकीहरुबाट पाइन्छ । त्यस्तै प्रेम हामीले अरुलाई दिने गर्छाैं । यसका अलावा आफ्नो साथीहरुमा हामी जहिलै पनि नजिकको भाव खोज्ने गर्छौं ।

    फ्रायडका अनुसार हामी जोसँग प्रेम गर्छाैं, त्यो नै हाम्रो जीवनको हिस्सा बन्न जान्छ । हामीले धेरै सुन्ने गर्छाैं कि जब कसैसँग माया बस्छ । उनीहरुकोबीचमा एकले अर्काको बानीलाई नै धेरैहदसम्म अँगाल्न पुग्छन् । आफ्नो साथीले सोच्ने शैली, उसको व्यवहार आदिको आधारमा नै उनीहरुको स्वयंलाई समेत तयार पार्ने गर्छन् । यसले उनीहरुलाई अझ नजिक बनाउन मद्दत गर्छ ।

    प्रेम कति महत्वपूर्ण छ ?

    फ्रायडका अनुसार विलक्षणिक प्रेम पनि तीन किसिमको हुने गर्छर् । महसुसको आधारमा बाहृय, आन्तरिक र मानसिक प्रेम गरी तीन किसिमको प्रेममध्ये पूर्ण आनन्दको लागि तीनै प्रकारको भावना जाग्नुपर्छ । यस्तो विलक्षणता हरेक व्यक्तिमा फरक फरक हुनसक्छ । प्रणय दिवसको दिन सम्बन्ध बनाउने प्रेमलाई पनि एक यस्तै विलक्षणताको रुपमा मान्न सकिने उनले बताएका छन् ।

    images
    images
    images
    images
    images
    images
    शनिवार, कार्तिक १५ २०७७०७:२१:३९

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै