कोरोना कहरमा लुटको धन्दा

बिदेशबाट आएका श्रमिकमाथी चर्को भाडा असुली : ट्राफिक प्रमुख ढकालदेखि यातायातका डिजी हमालसम्मको खल्ती गरम

बिदेशबाट आएका श्रमिकमाथी चर्को भाडा असुली : ट्राफिक प्रमुख ढकालदेखि यातायातका डिजी हमालसम्मको खल्ती गरम

  • 3.6K
    SHARES

  • बिदेशबाट आएका श्रमिकमाथी चर्को भाडा असुली : ट्राफिक प्रमुख ढकालदेखि यातायातका डिजी हमालसम्मको खल्ती गरम

    सरकारले बिदेशबाट श्रमिकहरुको उद्धार गर्ने भने पनि नेपालमा फर्किएका कामदारहरुलाई झन् दुख दिएको छ । चर्को बिमान शुल्क असुलेर बिदेशबाट उद्धार गरी ल्याइएका कामदारहरुबाट नेपालमा पनि उपत्यकाबाट आफ्नो गृहजिल्ला पठाउँने क्रममा चर्को गाडीभाडा असुलिएको हो । 

    बिदेशबाट त्रिभुवन विमानस्थलमा ओर्लिनासाथ श्रमिकहरुलाई जिल्ला पठाउँनको लागि व्यवस्थित गर्न भन्दै उपत्यकाका विभिन्न ठाउँमा ७ वटा होल्डिङ सेन्टरहरु तोकिएका छन् । ती होल्डिङ सेन्टरहरुमा दैनिक ८ सयदेखि १५ सयसम्मको संख्यामा बिदेशबाट आएका यात्रुहरु पुर्याउँने गरिएको छ भने त्यहाँ सिमित मात्रामा तोकिएका गाडीहरुले ती यात्रुहरुलाई जिल्ला लग्ने गरेका छन् ।

    images

    कुनै पनि सरकारी कामको जिम्मा लिन वा दिन परेमा बोल कबोलको प्रावधान हुन्छ तर यस मामिलामा त्यस्तो कुनै प्रक्रिया पुरा गरिएको छैन । यात्रुहरुलाई बाहिर जिल्ला पठाउँने अवैध ठेक्का नेस्ट ट्राभल्सका नारायण भट्टराईले लिएका छन् । सरकारले यस्तो महामारीको समयमा कुल भाडा दरमा ५० प्रतिशतसम्म थप भाडा लिन पाउँने भनेको छ तर यहाँ कसैको नीति निर्देशनको पालना हुँदैन । भट्टराईको मात्र बोलवाला चल्ने गरेको छ । उनले जे भन्छन् त्यही हुन्छ अनि जति भाडा तोक्छन् यात्रुले त्यति नै तिर्नु पर्छ ।  

    बिना कुनै टेण्डर र प्रतिस्पर्धा यात्रु ठग्ने छुट पाएका भट्टराईले दुई सय गुणा भन्दा बढी भाडा लिएर यात्रुहरु पठाउँने गरेका छन् । किन तिर्नु भयो त भन्ने प्रश्नमा एक यात्रुले भने के गर्नु त बल्ल बल्ल काठमाडौं आईपुगियो, यस्तो बेलामा पैसा भन्दा आफन्तको नजिक पुग्न हतार भयो । बिदेशमा दुख पाएर स्वदेश फर्किदा यस्तो महामारीमा पनि आफ्नै देशमा लुटिनु पर्दो रहेछ चित्त बुझाउँनु परेको छ । 
    नेपाल आर्मी, सशस्त्र प्रहरी, जनपथ प्रहरी र ट्राफिक प्रहरीको समेत सुरक्षा घेरा बनाईएको होल्डिङ सेन्टरमा भई रहेको यस्तो चरम ठगीको बारेमा कसैले मुख खोल्न सक्दैनन् । सुरक्षा घेरामा रहेका सुरक्षाकर्मी देखेर सबैको सात्तो जान्छ एक यात्रुले भने । 

    कसरी हुन्छ ठगी

    पहिलो कुरा त आफूले कुनै प्रयोजनमा रकम तिरेपछि त्यो प्रयोजन अनुसारको बिल, बिजक, टिकट वा भर्पाई पाउँनु नागरिकको अधिकार हो । तर ती सात वटा होल्डिङ सेन्टरमा नागरिकलाई त्यस्तो अधिकार छैन । भाडा ८ सय तोकिएको छ भने नारायण भट्टराईले खटाएका मान्छेले सिधै दुई हजार माग्छन् यात्रुले दिएर गाडी चढ्छन् तर त्यो रकम तिरेको टिकट उनीहरुले पाउँदैनन् । अचम्म त के छ भने भट्टराईले त्यसरी रकम उठाए पनि गाडी धनीले भने त्यसको ७० प्रतिशत रकम पनि पाउँदैनन् । 

    किन यतिधेरै ठगी गरेको भनी होल्डिङ सेन्टरमा गाडीको ठेक्का लिएका भट्टराईसँग बुझ्दा बढी रकम लिएको स्विकार गरे । गाडीका कर्मचारी, सेनिटाईजर लगायतको व्यवस्था गर्नु पर्ने भएको कारण आफूले गाडी धनीलाई यात्रुबाट उठाएको पुरा रकम दिन नसकेको उनको तर्क थियो । 

    राष्ट्रिय महासंघको साथ र संरक्षण

    एउटा ट्राभल कम्पनी चलाएको भरमा यात्रुबाट चर्को रकम असुलेर गाडी धनीलाई समेत ठग्न छुट पाएका भट्टराईलाई नेपाल यातायात व्यवसायी राष्ट्रिय महासंघका महासचिव सरोज सिटौलाको साथ र संरक्षण रहेको आरोप लागेको छ । विशेष श्रोतका अनुसार होल्डिङ सेन्टरमा यात्रुहरुबाट उठाईएको रकम सिटौलासम्म पनि पुग्ने गर्छ । जसले गर्दा उनी न यात्रुको पक्षमा बोल्छन् नत गाडी धनीको हितमा नै । 
    सिटौलाको मिलेमतोकै कारणले बस व्यवसायीहरुले पालैपालो गरेर सबैको गाडी चलाऔं भन्दा पनि त्यस्तो गर्न नदिएको पाईएको छ । 

    हामीले झापाको रुटको गाडी झापा तिर नै चलाऔं, महेन्द्रनगरको त्यतै चलाऔं भनेको हो तर यहाँ ताप्लेजुङ रुटको गडी पनि लगातार पश्चिमतिर पठाई दिए । एक व्यवसायीको पिडा अर्को व्यवसायीले बुझ्ने भएन । गाडी व्यवसायीको अधिकारको रक्षा गर्छौं भन्नेहरुले नै बिचौलिया परिचालन गरेर हामीलाई दुख दिए । एक बस व्यवसायीले भने ।

    ट्राफिक प्रहरी प्रमुखदेखि विभागका डिजीसम्मको संलग्नता

    कसैले अनियमितता गर्दा नियमनकारी निकायले आँखा चिम्लि दिए भने के होला ? यस ठगी काण्डमा पनि यस्तै भएको छ । नारायण भट्टराईले सम्पूर्ण सुरक्षा निकायका अधिकारीहरु नै राखेर यात्रु र बस व्यवसायीलाई ठगी रहेका बेला ट्राफिक प्रहरी प्रमुख भिम प्रसाद ढकाल र यातायात व्यवस्था विभागका महानिर्देशक गोगन बहादुर हमालको समेत संलग्नता रहेको आरोप लागेको छ । सार्वजनिक यातायात केन्द्रीय महासंघका बरिष्ठ उपाध्यक्ष किरण रिजालका अनुसार मोटो कमिसनको लोभमा ढकाल र हमालले यात्रु र गाडी धनीलाई लुट्न प्रेरित गरिरहेका छन्  । 

    बिचौलियाले अनधिकृत रुपमा होल्डिङ सेन्टर कब्जा गरेर बिना टिकट अवैध रुपमा रकम असुलेको र यात्रु ठगिरहेको बारेमा प्रतिक्रिया माग्दा विभागका महानिर्देशक हमालले महामारी भएकोले टिकट नै दिनु पर्छ भन्ने नभएको बताए । यस्तो बेलामा टिकट नै दिनु पर्छ भन्ने चाहीँ छैन तर तोकिएको भन्दा बढी रकम उठाएको पाइएमा विभागले कारवाही गर्छ । हमालले भने । ट्राफिक प्रहरी महाशाखा प्रमुख ढकालको भने फोन उठेन । 
      

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै