मालपोत कार्यालय खुलेः आइतबारबाट नियमित सेवा सुचारु

मालपोत कार्यालय खुलेः आइतबारबाट नियमित सेवा सुचारु

  • 394
    SHARES

  • मालपोत कार्यालय खुलेः आइतबारबाट नियमित सेवा सुचारु

    मालपोत कार्यालय आजदेखि सञ्चालनमा आएका छन् । सरकारले देखि निषेधाज्ञा खुकुलो बनाउने निर्णय गरेसँगै बन्द भएका मालपोट कार्यालय सञ्चालनमा आएका हुन् । 
    कोरोना भाइरस महामारीका कारण गत साउन २८ गतेबाट बन्द भएका थिए ।

    आज र भोलि अत्यावश्यक परेका सेवाग्राहीको घरजग्गा रोक्का र फुकुवाको काम गरिने भूमि व्यवस्थापन तथा अभिलेख विभागका महानिर्देशक शेषनारायण पौडेलले बताए ।

    images

    साथै, आइतबारबाट स्थानीय तथा वडामा विभाजन गरेर आलोपालो प्रणालीमा निरन्तररुपमा घरजग्गा कारोबार खुल्ला गर्ने निर्णय भएको उनले बताए ।

    यसका लागि सबै स्थानीय तह तथा वडामा उच्च सतर्कता साथ स्वास्थ्य सामग्रीको प्रयोग गरेर सेवा प्रवाह गर्ने उनी बताउँछन् ।

    ‘उपत्यकामा मन्त्रालयले निर्णय गरेर साउन २८ को सेवा प्रवाह बन्द भएको थियो,’ उनले भने, ‘तर, मालपोत कार्यालयका आन्तरिक कामहरू भने सबै भइरहेको थियो ।’

    ‘यस अवधिमा देशभरीकै मालपोत कार्यालय बन्द अवस्थामा थिएन । उपत्यकाभन्दा बाहिरको हकमा त्यहाँको स्थानीय प्रशासनले सरकारसँग समन्वय गरेर कार्यालयहरू खुल्ला गरेको थियो । कतिपय कार्यालय बन्द भए भने कतिपय कार्यालय बन्द थिएन,’ उनले भने ।

    लामो समयको लकडाउन र निषेधाज्ञाले काम रोकिएका सेवाग्राहीले काम रोकिएको भन्दै गुनासो आएका थिए । साथै, मालपोत कार्यलय बन्द हुँदा धेरै सेवाग्राही प्रभावित भएका थिए । त्यसैले आजबाट सेवा शुरू गर्ने निर्णय भएको उनले जानकारी दिए ।

    जसमा पनि स्थानीय तहमा आलोपालोसँग न्यूनतम सेवा प्रवाह गर्ने भएको उनको भनाइ छ ।

    विगतको दिनमा एउटा कार्यालयमा ५\६ वटासम्म फाँटबाट सेवा दिने गरेकोमा अहिले १\२ वटा फाँट खुल्ला गरी सेवाग्राहीलाई सेवा प्रदान गर्ने उनले बताए
    साथै आइतबारबाट पूर्णरुपमा काम सूचारु हुनेछ ।

    बिहिवार, भाद्र २५ २०७७०२:१८:५२

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै