images

रुपन्देहीमा नेपालकै अर्को ठुलो क्रिकेट रङ्गशाला बन्दै

रुपन्देहीमा नेपालकै अर्को ठुलो क्रिकेट रङ्गशाला बन्दै

  • 469
    SHARES

  • रुपन्देहीमा नेपालकै अर्को ठुलो क्रिकेट रङ्गशाला बन्दै

    रुपन्देही जिल्लाको सैनामैना नगरपालिकामा नेपालकै ठूलो क्षेत्रफलको क्रिकेट रंगशाला निर्माण थालिएको छ । करिब १५ बिघा क्षेत्रफलमा गौतमबुद्ध अन्तर्राष्ट्रिय क्रिकेट रंगशाला निर्माण थालिएको हो ।

    नगरपालिकाले गत वर्षदेखि मैदान सम्याउने काम थालेको थियो । यो वर्ष डीपीआर निर्माण गरेर अन्य संरचना बनाउन थालिएको छ । यो रंगशाला नेपालकै ठूलो ९० यार्डको हुने नगरप्रमुख चित्रबहादुर कार्कीले जानकारी दिएका छन् ।

    images images

    रंगशाला गौतमबुद्धको जन्मस्थल लुम्बिनीबाट करिब १२ किलोकिटर उत्तरतर्फ रहेको छ । नगरपालिकाले मैदानको प्रारम्भिक पूर्वाधार निर्माणमा एक करोड ३० लाख रुपैयाँ खर्च गरिसकेको छ । गत वर्ष ३० लाखको बजेटमा माटो कटिङ, शौचालय र डे«सिङ रुम निर्माण गरिएको थियो । यो वर्ष एक करोडको बजेटमा माटो कटिङ, तारबार र डीपीआर बनाइएको छ ।

    रंगशाला निर्माणका लागि करिब दुई अर्ब १९ करोड लाग्ने अनुमान गरिएको छ । यसले ९४ हजार ८१७ वर्गमिटर क्षेत्रफल समेटेको छ । स्थानीय, प्रदेश र संघीय सरकारको सहभागितामा रंगशाला निर्माण सम्पन्न गरिने लुम्बिनी प्रदेशसभा सदस्य तथा नेकपाका  भूमिश्वर ढकालले जानकारी दिए । गौतमबुद्ध अन्तर्राष्ट्रिय क्रिकेट रंगशाला नेपालकै गौरवको आयोजनाका रूपमा रहेकाले बजेट व्यवस्थापन हुनेमा विश्वस्त रहन उनले आग्रह समेत गरे ।

    सैनामैनामा रंगशाला बनाउने विषयमा नगरपालिकाले धुर्मुस–सुन्तली फाउन्डेसनसँग पनि छलफल गरेको थियो । कलाकार धुर्मुसले पनि रंगशाला स्थल अवलोकन गरेका थिए । नगरपालिकाले आफैं रंगशाला बनाउने योजनासहित डीपीआर निर्माण गरेको हो ।

    नगरप्रमुख कार्कीले खेल पर्यटनमार्फत सैनामैनाको विकास गर्ने उद्देश्यसहित रंगशाला निर्माण थालिएको बताए । ‘बुद्ध जन्मस्थलको छेउमा बन्ने रंगशालाले अन्तर्राष्ट्रिय महत्व पाउनेछ’, उनले भने, ‘यसले खेल पर्यटनमा टेवा पुग्ने विश्वास गरिएको छ ।’ सैनामैना क्षेत्र आफैमा बौद्ध स्थलसमेत हो । रंगशाला निर्माणका लागि छिट्टै निर्माण कम्पनी छनोट गरिने उनले जानकारी दिए ।

    सैनामैनाका योजना प्रमुख सुरज न्यौपानेले ६ महिना लगाएर रंगशालाको डीपीआर निर्माण गरिएको बताए । रंगशालामा रातिको समयमा पनि खेल खेल्न सकिनेछ । रंगशालाअगाडि बुद्धको ठूलो प्रतिमा राखिने जनाएको छ ।

     

    images
    images
    images
    images
    images
    images
    बिहिवार, कार्तिक २७ २०७७११:३०:४१

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै