Nov 25 2020 | २०७७, मंसिर १० गते

images

ट्यांकरभित्र ‘फल्स चेम्बर’ बनाएर महिनादिनमै ८ हजार लिटर पेट्रोल चोरी

ट्यांकरभित्र ‘फल्स चेम्बर’ बनाएर महिनादिनमै ८ हजार लिटर पेट्रोल चोरी

  • 424
    SHARES

  • ट्यांकरभित्र ‘फल्स चेम्बर’ बनाएर महिनादिनमै ८ हजार लिटर पेट्रोल चोरी

    नेपाल आयल निगमको पेट्रोल ढुवानी गर्दै आएका २ वटा ट्यांकरमा अवैध रुपमा ‘फल्स चेम्बर’ (बाहिरबाट नदेखिने छुट्टै कोठा) बनाएर पेट्रोलियम पदार्थ चोरी भएको तथ्य सार्वजनिक भएको हो ।

    ‘फल्स चेम्बर’ जडान गरेर पेट्रोल चोरी भएको तथ्य खुलेपछि निगमले  २ वटा ट्याक्करलाई १५ लाख जरिवाना तिराउने भएको छ।

    images images

    फल्स चेम्बर जडान गरिएका २०-२० हजार लिटर क्षमताका बिर वेताल आर्शिवाद कम्पनी प्रालिका ना ७ ख ३६९६ र ना ७ ख २९९५ नम्बरका दुई वटा ट्यांकरलाई निगमको प्रचलित नियमावली बमोजिम कारबाही प्रक्रिया अगाडि बढाइएको निगमका प्रवक्ता बिनितमणि उपाध्यायले जानकारी दिए।

    ती ट्यांकरले बाहिर र भित्रबाट हेर्दा सजिलैसँग पत्ता लगाउन नसकिने बनाई वेल्डिङ्ग गरी फल्स चेम्बर जडान गरेका थिए।डिपोमा कार्यरत कर्मचारीहरुले चेकजाँच गर्ने क्रममा उक्ता ट्यांकरमा रहेको चेम्बरको स्वीकृत मापदण्ड विपरीत थप अर्को फल्स चेम्बर बनाई जडान गरिएको पाइएको थियो।

    उनीहरुले नेपाल आयल निगम बागमती प्रादेशिक डिपोका लागि भारतको बरौनी रिफाइनरी डिपोबाट पेट्रोलको ढुवानी गर्दै आएका थिए ।

    उक्त ‘फल्स चेम्बर’मा के कति मात्रामा पेट्रोल चोरी हुने गरेको रहेछ भनेर हेर्न गुणस्तर तथा नापतौल विभागलाई जिम्मा दिएको निगमले जनाएको छ ।

    थप कारबाहीका लागि भने निगमले ट्यांकर र त्यसका सञ्चालकहरुलाई केन्द्रीय अनुसन्धान ब्युरो (सीआईबी)को जिम्मा लगाउने तयारी गरेको निगमका कार्यकारी निर्देशक सुरेन्द्र पौडेलले जानकारी दिए ।

    यस्तो छ विज्ञप्ति

    petrol-jariwana-1.png

    images
    images
    images
    images
    images
    images
    शुक्रवार, मंसिर ५ २०७७०८:४८:४८

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै