चाहिदैन मलाई कसैको सहानुभूति , बाँकी छ अझै जिन्दगी

चाहिदैन मलाई कसैको सहानुभूति , बाँकी छ अझै जिन्दगी

  • 265
    SHARES

  • चाहिदैन मलाई कसैको सहानुभूति , बाँकी छ  अझै जिन्दगी

    ‘सम्बन्ध विच्छेद’ दाम्पत्य जीवनमाथि लागिएको एक यस्तो घाउ हो, जसलाई विच्छेद गर्नेले भुल्न चाहे पनि समाजले उनीहरुलाई कोट्याइरहन्छन् । मान्छेहरु सोध्छन्, ‘अब के गर्ने रु’, ‘विवाह गरिसकेपछि सम्बन्ध तोड्न हुँदैनथ्यो’, ‘अब एक्लो जीवन कसरी बिताउँछौं ?

    हाम्रो समाजले विवाहलाई एक अनिवार्य आवश्यक्ता मान्छ । जब युवतीको कुरा आउँछ, तब विवाह अपेक्षाकृत जरुरी मानिन्छ । विवाहलाई यसकारण अनिवार्य आवश्यक्ता मानिन्छ कि हरेक मान्छेलाई एक साथीको जरुरी हुन्छ । जो मानसिक रुपले, भावनात्मक रुपले आर्थिक स्थितीमा र कठिन परिस्थितीमा उनको साथ खडा रहन सकियोस् । समाजले विवाहलाई यसकारण पनि धेरै महत्व दिन्छ, ताकि छोरीले एक सम्मानजनक र ठोस जीवन बाँच्न सकोस् । तर, त्यही विवाह उनको जीवनको बोझ बन्छ भने उनी त्यो बोझ बोकिरहन सक्दैनन् । उक्त बोझलाई मिल्काउन नै उचित सम्झनेछ ।

    images

    हुन त दाम्पत्य सम्बन्ध खल्लो बन्नु वा टुट्नमा महिला दोषी हुन् वा निर्दोष, समाजले उनलाई साधरण नजरले हेर्न बन्द गर्छ । सम्बन्ध विच्छेदपछि महिलाहरुलाई फरक दृष्टिले हेरिन्छ, मानौ उनी एलियन हुन् । महिलाहरुले एकतर्फ टुटेको दाम्पत्यको चोट झेलिरहेका हुन्छन्, अर्कोतर्फ मान्छेहरु उनीमाथि अनेक प्रश्नहरु गर्छन् । र, उनको मनोवल कमजोर बनाउने काम गरिन्छ ।

    कठोर र चुनौतीपूर्ण निर्णय

    कोही आफ्नो निर्णयले खुसी छन्, त कोही सम्बन्ध विच्छेदका कारण जीवनभर पीडा झेलिरहेका छन् । आर्थिक रुपले कमजोर वा अर्कामाथि निर्भर महिलाका लागि निश्चय पनि एक्लो जीवन सहज हुँदैन । यद्यपि आर्थिक रुपले सक्षम र कामकाजी महिला जो आफ्नो करियरलाई बढी महत्व दिन्छन्, बन्धनमा अल्झिरहन, विनाकारण नियन्त्रणमा रहन चाहँदैनन् । उनीहरु त्यस्तो सम्बन्धबाट बाहिर आउन नै उचित ठान्छन् ।

    आफुमाथि भएको अत्याचारलाई चुपचाप सहनका साटो त्यससँग जुध्न र अत्यचारीलाई जवाफ दिने साहस गर्छन् । यस्ता महिलालाई समाजले हतोत्साही गर्नुको साटो हौसला दिएर आफ्नो करियरमा नयाँ उर्चा प्राप्त गर्नका लागि साथ दिनुपर्छ ।

    सम्बन्ध विच्छेद गर्नु कुनै पाप होइन । हिंसा, अन्याय, क्रुरताको विरोध गरेर त्यसबाट मुक्त हुने बाटो हो । यसपछि पनि जिन्दगी अन्त्य हुँदैन । बरु नयाँ बाटो खोजेर अनन्त संभावनाहरुको खोजी गर्न सकिन्छ ।

    सम्बन्ध विच्छेदको निर्णय लिन एक कठिन काम हो । चाहे महिला होस् वा पुरुष । यद्यपि दाम्पत्य जीवन जब बोझिलो बन्छ तब त्यसबाट उम्कनु नै सही हुन्छ । एक महिला जब सम्बन्ध विच्छेदको निर्णय लिन्छन्, तब उनको लागि यो निकै चुनौतीपूर्ण हुनजान्छ । आमाबुवा, नातेदार, समाज सबैलाई पन्छाएर आफैको लागि सोच्नु हिम्मतको कुरा हो । त्यसैले जब उनी यो निर्णय लिन्छन् तब उनलाई थाहा हुन्छ कि यो एकदमै महत्वपूर्ण निर्णय हो, जो उनको भविष्यको लागि राम्रो सावित हुनसक्छ ।

    बाँकी छ जिन्दगी

    श्रीमानसँग छुटिनु सबैभन्दा दुखद क्षण हो यसपछि महिलाको जिन्दगी फेरी पुरानै लयमा फर्कदैन । यो सोचाई गलत हो   । कतिपयको सोंच हुन्छ, आफ्नो विवाह टुटेपछि जीवनको कुनै अर्थ रहनेछैन । यस्तो पटक्कै होइन । सम्बन्ध विच्छेदपछि उनीहरु खुसी रहन सक्छन् । आफ्नो भविष्य खोज्न सक्छन् । आफ्नो सपना र महत्वकांक्षालाई पुरा गर्न जुट्न सक्छन् ।

    एक्लो महिलालाई मान्छेहरुले खराब दृष्टिले हेर्छन् वा त सहानुभूतिको नजरले । यद्यपि अर्काको यस्तो सहानुभूति आवश्यक छैन । जरुरी छ कि उनको निर्णयलाई सम्मान गरियोस् । सम्बन्ध विच्छेद गरेका वा श्रीमान्बाट अलग भएका महिलालाई मान्छेको झुटो सहानुभूती होइन, उनको निर्णयप्रति सम्मानको भावना चाहिन्छ । जसले उनलाई अगाडिको जीवन बाँच्न सहज भइदियोस् ।

    शुक्रवार, भाद्र २६ २०७७०७:५५:५५

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै