सरकार विदेशमा रहेका नेपालीको उद्धार कहिले ?

सरकार विदेशमा रहेका नेपालीको उद्धार कहिले ?

  • 316
    SHARES

  • सरकार विदेशमा रहेका नेपालीको उद्धार कहिले ?

    विश्वमहामारीको रुपमा फैलिएको कोभिड १९ कोरोना भाइरस महामारीका कारण रोजगारी गुमाएर विदेशमा अलपत्र परेका लाखौं नेपाली स्वदेश फर्किन हारगुहार गरे पनि नेपाल सरकारले नसुनिदिंदा आक्रोशितमा परिणत भएका छन् । अहिले विदेशमा रोजगारी गुमाएका नेपाली तत्काल उद्धारका लागि सम्बन्धित मुलुकमा रहेका नेपाली राजदूतावास, श्रम, रोजगार तथा सामाजिक सुरक्षा र परराष्ट्र मन्त्रालयका अधिकारीलाई दैनिकजसो आग्रह गरिरहेका हुन्छन् । तर, जति आग्रह गरे पनि घर फर्किने टुंगो नलाग्दा उनीहरू छटपटाएका छन् । 

    नेपाल सरकारले विदेशबाट आप्mना नागरिक फर्काउन कोटा तोकेका कारण पनि लाखौं नेपाली विदेशी भूमिमा अलपत्र परेका हुन् । नेपाल सरकारले विदेशबाट दैनिक आठ सयभन्दा बढी नेपाली फर्कन नपाउने नियम बनाएको छ जबकि अन्तर्राष्ट्रिय हवाई उडान बन्द हुनुअघि दैनिक एक हजार पांच सय नेपाली वैदेशिक रोजगारबाट घर फर्कने गरेको सरकारी तथ्यांक नै छ । अहिले असाधारण अवस्था भएकाले त्यो संख्या ह्वात्तै बढ्ने कुरा सरकारी अधिकारीहरूलाई थाहा नभएको होइन । तर, उनीहरू यति असंवेदनशील भएका छन् कि बाह्य मुलुकमा भएका नेपालीलाई कुनै समस्या नभए जस्तो ठान्दैछन् र उनीहरूको उद्धारका लागि कुनै ठोस कार्ययोजनासहित तदारुकता देखाएका छैनन् । यसरी आफनै मुलुकका नागरिकप्रति राज्यले देखाएको यो संवेदनहीन
    कार्य क्षम्य हुनै सक्दैन ।

    images

     विदेशमा रोजगारी गुमाएर अलपत्र परेका नेपालीको छिटोभन्दा छिटो उद्धार गर्नुको विकल्प छैन । त्यसका लागि हवाई उडान संख्या वृद्धि गर्नुपर्ने हुन्छ । यसअघि तिनै नेपालीले पठाएको रेमिट्यान्सले मुलुकको अर्थतन्त्र धानेको छिपेको विषय होइन । अहिले उनीहरू समस्यामा पर्दा राज्यले अनदेखा गर्नु गम्भीर भुल हो । विदेशमा समस्यामा परेकालाई घर फर्काउन नियमित मात्र नभई उडान थप गर्नुपर्ने बेला सरकारले भने उल्टै कोटा तोकिदिएपछि श्रमिक समस्यामा परेका हुन् । यसलाई कतिपयले समस्या परेको
    बेला सरकारले व्यापार गर्न खोजेको रूपमा लिएका छन् । 

    सरकारले यतिखेर नियमितभन्दा दोब्बर बढी भाडा तोकेका कारण यो तर्कलाई अन्यथा लिन मिल्दैन । साउदीबाट घर फर्कन अहिलेसम्म २५ हजारले नाम दर्ता गराइसकेका छन् । यति ठूलो संख्यामा नेपालीहरू स्वदेश फर्कन चाहे पनि सरकारले भने
    दैनिक आठ सयको कोटा तोकेका कारण तत्कालै उनीहरू नेपाल फर्कन गाह्रो छ । त्यसैले त उनीहरू सरकारदेखि आक्रोशित भएका छन् । घर फर्कन नपाएपछि श्रमिकले गन्तव्य मुलुकमा रहेका नेपाली राजदूतावासमा पुगेर विरोध
    प्रदर्शनसमेत गर्न थालेका छन् । 

    मंगलबार साउदीको राजधानी रियादमा रहेको नेपाली राजदूताबासमा घर फर्कन नपाएका श्रमिकले सरकारविरुद्ध गरेको विरोध प्रदर्शनलाई त्यसैको उदाहरणका रूपमा लिन सकिन्छ । त्यसैले पनि विदेशमा रोजगारी गुमाएर अलपत्र परेका नेपालीको छिटोभन्दा छिटो उद्धार गर्नुको विकल्प छैन । त्यसका लागि हवाई उडान संख्या वृद्धि गर्नुपर्ने हुन्छ । यसअघि तिनै नेपालीले पठाएको रेमिट्यान्सले मुलुकको अर्थतन्त्र धानेको छिपेको विषय होइन ।

     अहिले उनीहरू समस्यामा पर्दा राज्यले अनदेखा गर्नु गम्भीर भुल हो । यता सर्वोच्च अदालतले भने असार १ गते विदेशमा बेखर्ची भएकालाई निःशुल्क उद्धार गर्न आदेश दिएको थियो तैपनि सरकारले त्यो आदेशको समेत अवज्ञा गर्दै आएको छ । त्यसो त सर्वोच्चले वैदेशिक रोजगार बोर्डअन्तर्गतको कल्याणकारी कोषमा रहेको रकम खर्च गरेर भए पनि समस्यामा परेकालाई निःशुल्क उद्धार गर्न आदेश दिएको थियो । वैदेशिक रोजगार विभागका अनुसार श्रम स्वीकृति लिएर करिब ५० लाख व्यक्ति वैदेशिक रोजगारीमा गएका छन् ।

    श्रम स्वीकृति लिएकामध्ये २० देखि २५ लाख गन्तव्य मुलुकमै रहेको अनुमान छ भने जसको झण्डै ९० प्रतिशत भन्दा बढी खाडी मुलुक र मलेसियामा छन् । मलेसियामा रहेका २० हजार भन्दा बढी श्रमिक अहिले घर फर्कने प्रतीक्षामा छन् । यतिसम्म कि लकडाउनअघि टिकट लिएका करिब दुई हजार नेपाली हवाई उडान बन्द भएका कारण घर फर्किन पाएका छैनन् ।

    आइतवार, भाद्र २८ २०७७०९:१०:४४

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै