नेयमारसहित पाँच खेलाडीलाई रेड कार्ड,पीएसजीकाे दोस्रो हार

नेयमारसहित पाँच खेलाडीलाई रेड कार्ड,पीएसजीकाे दोस्रो हार

  • 187
    SHARES

  • नेयमारसहित पाँच खेलाडीलाई रेड कार्ड,पीएसजीकाे दोस्रो हार

     फ्रान्सेली च्याम्पियन पेरिस सेन्ट जर्मेन ९पीएसजी० ले नयाँ सिजनको फ्रेन्च लिग वानमा लगातार दोस्रो हार बेहोरेको छ । निकै तनावपुर्ण बनेको खेलमा पीएसजी घरेलु मैदानमै मार्सेलीसँग १(० ले पराजित भएको हो ।

    खेलको ३१ औं मिनेटमा फ्लोरियन थाउभिनले गोल गर्दै अग्रता दिलाएका थिए । उनले डिमिट्री पायेटको पासमा गरेको गोल नै निर्णयक गोल बन्यो । कोरोना संक्रमणमुक्त भएका ब्राजिली स्टार नेयमार र एन्जल डि मारियालाई उतारेपनि टोलीले हार टार्न सकेन ।  पीएसजी यसअघि पहिलो खेलमा लेन्ससँग पनि १(० ले नै पराजित भएको थियो ।

    images

    पीएसजी पराजित खेलमा नेयमार सहित एकै खेलका पाँच खेलाडीलाई रेड कार्ड देखाइएको छ । कोरोना भाइरस संक्रमणपछि मैदान फर्किएका ब्राजिलियन स्ट्राइकर नेयमार खेलको इन्जुरी समयमा रातो कार्ड खाँदै मैदानबाट बाहिरिएका थिए ।

    ९० मिनेट भित्र ३६ फाउल भएको थियो । रेफ्रीले पाँच रेड कार्डसहित १७ कार्डको प्रयोग गरेका थिए । जुन लिग वानमा यो एक रेकर्डसमेत हो । खेलको अन्तिम समयमा अर्जेन्टिनी जोडी डारियो बेनेडेटो र लिआन्ड्रो पेरेडेसबीचको झगडाले ठुलो रुप लिएपछि खेलमा निकै नै तनाव ग्रस्त भएको थियो ।

    झगडा नियन्त्रिणमा नआएपछि रेफ्रीले बेनेडेटो र पेरेडेस दोहोरो पहेँलो कार्ड खाँदै मैदानबाट बाहिर पठाएका थिए । त्यस्तै नेयमारले स्पेनीस डिफेन्डर अल्वारो गोन्जालेजाको टाउकोको पछाडि थप्पड हानेपछि उनलाई पनि रेफ्रीले भीआरको सहायतामा रातो कार्ड देखाएका थिए । त्यसअघि पीएसजीका लेभिन कुर्जावा र मार्सिलेका जोर्डन अमावीलाई कार्ड देखाएका थिए ।

    एक पटक आग्रह नमानेपछि रेफ्री जेरोम ब्रिसार्डले कुर्जावा र अमावीलाई सोझै रातो देखाएका थिए । त्यसपछि मार्सिलेले नौ र पीएसजीले आठ खेलाडीमा खेलको अन्तिम मिनेट खेल्दै अन्त्य गरेका थिए । यो हारले पीएजसीले लिग वानको सुरुवाती दुई खेलमा अंक जोड्न नसक्दा मार्सेली लगातार दोस्रो जित निकाल्दै ६ अंक जोडेर पाँचौ स्थानमा उक्लिएको छ ।

    सोमवार, भाद्र २९ २०७७०८:१९:५६

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै