अपडेट : सिन्धुपाल्चोक केन्द्रबिन्दु भएर ६ रिक्टरस्केलको भूकम्प

अपडेट : सिन्धुपाल्चोक केन्द्रबिन्दु भएर ६ रिक्टरस्केलको भूकम्प

  • 343
    SHARES

  • अपडेट : सिन्धुपाल्चोक केन्द्रबिन्दु भएर ६ रिक्टरस्केलको भूकम्प

    वर्षात्को समयमा बाढीपहिरोको प्रकोप खेप्दै आएको सिन्धुपाल्चोकमा बुधबार बिहान फेरि भूकम्प गएको छ । भूकम्प सिन्धुपाल्चोकको राम्चे आसपास केन्द्रबिन्दु बनाएर ६ रिक्टरस्केलको गएको हो ।

    सिन्धुपाल्चोक त्यही जिल्ला हो जहाँ गत २०७२ सालको भूकम्पमा पनि सबैभन्दा बढी मानवीय क्षति भएको थियो । एकपछि अर्को प्राकृतिक विपत्ति खेप्दै आएको सिन्धुपाल्चोकबासीमा बुृधबारको भूकम्पले थप त्रास बढेको छ।  यद्यपी भूकम्प शक्तिशाली भएपनि अहिलेसम्म मानवीय र भौतिक क्षतिको विवरण आएको छैन। 

    images

    जिल्ला प्रहरी कार्यालय सिन्धुपाल्चोकका डिएसपी प्रकाश सापकोटाले अहिलेसम्म भूकम्पबाट भएको क्षतिको विवरण प्राप्त नभएको बताए ।यता भोटेकोसी गाउँपालिकाका अध्यक्ष राजकुमार पौडेलले तीनपटकसम्म भूकम्पले हल्लाएको बताए । अहिले सिन्धुपाल्चोकमा त्रास फैलिएपनि क्षतिको विवरण आइनसकेको बताए । उनले भने, ‘म पनि गाउँमा छु । अहिलेसम्म कहाँ के कति क्षति भयो भन्ने विवरण आएको छैन।’

    यस्तै बाह्रबिसे नगरपालिकाकी उपाध्यक्ष  सुशीला पाख्रिने पनि अहिलेसम्म क्षतिको विवरण नआएको बताइन् । ‘हामी बुझ्दै छौँ । भूकम्पको केन्द्रबिन्दु रहेको राम्चे क्षेत्र बाह्रबिसे–९ मा पर्छ ।’राम्चे बाह्रबिसे र बलेफी गाउँपालिकाको सिमानास्थित जुरेको माथिल्लो भाग हो ।

    बुधवार, भाद्र ३१ २०७७०६:४४:०१

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै