वर्ल्ड लिंकले विदेशी लगानी थप गर्दै सेयर निष्काशन गर्ने

वर्ल्ड लिंकले विदेशी लगानी थप गर्दै सेयर निष्काशन गर्ने

  • 238
    SHARES

  • वर्ल्ड लिंकले विदेशी लगानी थप गर्दै सेयर निष्काशन गर्ने

    वर्ल्ड लिंक कम्युनिकेसनले निकट भविष्यमा सर्वसाधारणका लागि सेयर जारी गर्ने भएको छ । 
    वर्ल्ड लिंकको २५ औं वार्षिकोत्सवको अवसरमा आयोजित कार्यक्रममा वर्ल्ड लिंकका संचालक दिलीप अग्रवालले सोहीको जानकारी दिएका हुन् । 

    ‘हामी सर्वसाधारणका लागि आइपीओ जारी गर्ने पूर्वतयारी सुरु गरिसकेका छौं ।’ अग्रवालले भने–‘यसैको तयारी स्वरुप गत वर्ष हामीले कम्पनीलाई पब्लिक लिमीटेडमा दर्ता गरेका थियौं । अब बाँकी प्रक्रियाहरु अगाडि बढाउनेछौ ।’ 

    images

    अग्रवालले अहिले सुरु गरिएको प्रक्रिया पूरा भई आइपीओ निश्कासन हुने अवस्था बन्दासम्म ३ वर्ष समय लाग्नसक्ने समेत प्रष्ट्याए । 

    वर्ल्डलिङ्कले ग्रामीण क्षेत्रमा समेत इन्टरनेट विस्तार गर्ने घोषणा गरेको हो ।  सीईओ केशव नेपालले नेटवर्कमा बढ्दै गएको चाप अनुरुप क्षमता बढाउँदै सेवालाई ग्रामीण क्षेत्रमा लैजाने निर्णय गरिएको बताए ।

    त्यसका लागि आवश्यक लगानी आन्तरिक स्रोत र बैंकिङ ऋणबाट पूर्ति गरिने कम्पनीका अध्यक्ष अग्रवालको भनाई छ । सेवा विस्तार गर्न अब विदेशी लगानी थप गर्नुपर्ने आवश्यकता रहेको उनले बताए । कम्पनीले क्रयशक्ति कम भएका जनतामाझ समेत इन्टरनेटको पहुँच पुर्‍याउने योजनाका साथ पहल भइरहेको जनाएको छ ।

    हाल वर्ल्ड लिंकको सेवा देशका ७४ जिल्लामा पुगिसकेको छ । इन्टरनेट प्रदायक कम्पनीहरुमा नेतृत्वदायी भूमिका खेलिरहेको वर्ल्ड लिंकका देशभर ४ लाख बढी घरेलु ग्राहक रहेका छन् । यो कम्पनी उच्च नाफा कमाइरहेको कम्पनी पनि हो । 

    बुधवार, भाद्र ३१ २०७७१०:३६:३१

    अनलाइनपाना डेस्क

    नेपाल सरकारको कानून, प्रेस काउन्सिल, सूचना विभाग र नेपाल पत्रकार महासंघका आचारसंहीता तथा विधान लगायतमा उल्लेखित नीति नियमको पालना गर्दे समाजमा उत्तरदायी पत्रकारिताको जिम्मेवार भूमिका निर्वाह गर्ने प्रतिवद्धता सहित सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् । ‘सम्पूर्ण विचार, समाचार र सूचनाहरु जनताको हितमा मात्र प्रयोग हुने विश्वास दिलाउछौं ।

    सम्बन्धित समाचार
    विशेष सबै
    विचार सबै