सुदुरपश्चिमका एक समाजसेवीको १३ दिनको पुण्य तिथीमा देशका विभिन्न ठाउँमा एकैदिन २ हजार जनालाई निशुल्क खाना खुवाइएको छ । कञ्चनपुरको बेदकोट नगरपालिका निवासी गंगाराम मल्लको १३ दिनको पुण्यतिथीमा उनका छोरा ईन्द्र मल्लले उक्त संख्यामा शाकाहारी खाना खुवाउँने व्यवस्था मिलाएका हुन् ।
सामाजिक कार्यमा आफ्नो छुट्टै परिचय पहिचान स्थापित गरेका गंगारामको गत २० गते ७३ वर्षको उमेरमा निधन भएको थियो । उनको निधनको १३ औं दिनको पुण्यतिथी पारेर छोरा ईन्द्रले देशका विभिन्न ठाउँमा र विशेष गरी काठमाडौंको पुृरानो वसपार्क, कलंकी, पशुपति, बागमती किनार लगायतका क्षेत्रमा खाना खुवाउने व्यवस्थापन मिलाएका छन् भने नेपाल शाकाहारी पार्टीले समन्वय गरेको छ । ईन्द्र मल्ल समेत उक्त पार्टीको सुदुरपश्चिम प्रदेश संयोजक हुन् ।
उक्त पार्टीका अध्यक्ष राधेश्याम खड्काले विभिन्न ठाउँमा खाना खुवाउने कार्य भई रहेको बताए ।
खड्काको समूहलाई खाद्यान्न वितरण
नेपालमा फुड बैंकको स्थापना गरेर स्थापित समेत गरेका नेपाल शाकाहारी पार्टीका अध्यक्ष राधेश्याम खड्कालाई काठमाडौंको हात्तिगौडाका बिजय लम्साल र बुढानिलकण्ठका उद्धव कार्कीले खाद्यान्न वितरण गरेका छन् । देशमा लकडाउन सुरु भएको एक हप्तादेखि निरन्तर खाना खुवाई रहेका खड्कालाई लम्साल र कार्कीले ७ बोरा चामल र १ बोरा दाल उपलब्ध गराएका हुन् । उक्त खाद्यान्न सहयोग अनलाइनपानाको समन्वयमा उपलब्ध गराईएको हो ।
फोटो फिचर हेर्नुहोस् खाना खुवाइएका थप तस्वीरहरु :
प्रतिक्रिया