पृथ्वीजयन्तीको अवसरमा ‘हाम्रो निधिः हाम्रो संस्कृति’ नामक साङ्गीतिक कार्यक्रम 

पृथ्वीजयन्तीको अवसरमा ‘हाम्रो निधिः हाम्रो संस्कृति’ नामक साङ्गीतिक कार्यक्रम 

  • 784
    SHARES

  • पृथ्वीजयन्तीको अवसरमा ‘हाम्रो निधिः हाम्रो संस्कृति’ नामक साङ्गीतिक कार्यक्रम 

    २९९औँ पृथ्वी जयन्ती तथा राष्ट्रिय एकता दिवसको सु-अवसरमा नेपाल सङ्गीत तथा नाट्य प्रज्ञा प्रतिष्ठानको आयोजना तथा सांस्कृतिक संस्थानको सह-कार्यमा पौष २७ गते, सोमबार नेपालका विभिन्न राष्ट्र भाषाहरुका गीतहरुको प्रस्तुति ‘हाम्रो निधिः हाम्रो संस्कृति’ नामक साङ्गीतिक कार्यक्रमको आयोजना हुने भएको छ । 

    संस्कृति, पर्यटन तथा नागरिक उडड्यन मन्त्री भानु भक्तढकालको प्रमुख आतिथ्यतामा आयोजना हुने कार्यक्रममा नरेश प्रजापति समूहले नेवारी धुन, सुमन लिम्बू, दिवश पयाङ्गु लगायतको समूहले लिम्बू भाषाको गीत, बन्दना मैनालेले भोजपुरी भाषाको गीत, छेवाङ तेन्जिङ लामा, सीता घ्लान लामा, प्रमला दङ लामा, जुना मोक्तान सोनम लामा, विजय रुम्बा लगायतको समूहले तामाङ गीत प्रस्तुत गर्नेछन् । 

    images

    त्यसैगरी शिला विष्ट, बिपिन धिमिरे, दिपेन्द्र बज्राचार्य, तिर्थ पोख्रेल लगायतका समुहले ‘सयथरी बाजा एउटै ताल..’ बोलको गीत, हिमालय शेर्पा समुहले शेर्पा भाषाको गीतको प्रस्तुति दिनेछन् भने कृष्ण गुरुङ, टीका गुरुङ, क्षितिज गुरुङ सहितको टोलीले गुरुङ भाषाको गीत प्रस्तुत गर्नेछन् ।

    यस्तै देवी राम राना मगर, कृष्ण पुन मगर, नन्द घर्ती मगर, बिरता पुन मगर र तुलसा घर्ती मगर सहितको समूहले मगर भाषामा साङ्गीतिक प्रस्तुति दिनेछन् भने सन्जय तुम्रुक र दुर्गा परियारले पूर्वको माया पश्चिमलाई गीत प्रस्तुत गर्नेछन् ।

    कार्यक्रममा भरत बुढाथोकी, खड्ग बुढा मगर, देब राई, नरेश प्रजापति, लोकराज राई, कृष्ण गुरुङ, दुर्गा खतिवडा, सुधिर चौधरी, रोहित सुवेदी, सूर्य मगर लगायतको समूहले वाद्यवादनमा गायक गायिकाहरुलाई साथ दिनेछन् ।

    सांस्कृतिक संस्थान (राष्ट्रिय नाचघर)को हरिप्रसाद रिमाल प्रेक्षालयमा अपरान्ह ३ः०० बजे प्राज्ञ अशोक कुमार राईको संयोजनमा आयोजना हुने कार्यक्रमले नेपालीहरुवीच कायम भावनात्मक एकतालाई अझ मजबुत बनाउने विश्वास लिइएको छ ।

     

     

    आइतवार, पौष २६ २०७७१०:५७:१५

    अनलाइनपाना

    प्रेस काउन्सिल नेपाल, सूचना विभागमा सुसूचित नेपालको चित्र स्लोगन राखि अनलाइनपाना डटकम २०७२ चेत्र ०८ गतेदेखि सञ्चालानमा छ । हाम्रो अनलाइन मिडिया अन्तर्गत प्रकाशन, प्रशारण हुने समाचारहरु देश, जनता, समाज र हरेक नागरिकको जीवनहरुसंग जवाफदेही हुनेछन् ।

    सम्बन्धित समाचार
    विशेष सबै
    विचार सबै